Eva het haar naaktheid bedek met vyeblare. God het by die braambos aan Moses Kanaan, die land van melk en heuning, belowe en die heidene wat verslaan moes word uitgestippel. Die melk dui aan dat daar bokke en skape kon wei in oorvloed. Die heuning kom van bye wat stuifmeel en nektar nodig het.
40 000 bye maak een teelepel heuning per dag dus nog 'n aanduiding van die oorvloed wat belowe is.
Twee jaar na die uittog uit Egipte het hulle by die berg Nebo aangekom en Moses het 12 verkenners, een uit elke stam, vir 40 dae gestuur. Hulle het teruggekom met 'n moewiese druiftros, granate en vye.
Moses is oorlede en die volk moes 40 jaar (2+38) in die woestyn swerf oor tien verkenners bang was en nie in God se beloftes geglo het nie. Die druiwe en granate word bestuif deur die bye en die wildevye nie. Die hele ou testament is vol verwysings na vye en heuning. Soldate en manne met meriete het grond, weiding, wingerde en vyebome as vergoeding gekry. Belangrik: Meriete.
Jesus het die vyeboom bestraf toe die boom nie vye gedra het nie want Jesus het geweet 'n vyeboom dra 365 dae 'n jaar vye. Die boom wat nie gedra het nie het toe verwel en gevrek soos al die vye in Moses se tyd in Egipte.
Hierdie is 'n baie ou vyeboom wat ek afgeneem het in 1978 en die ander foto is van die berg Nebo waar Moses gestaan het en wys hoe Kanaan in 1978 gelyk het.
No comments:
Post a Comment